EnTaG

أهلا ومرحبا بكم معنا في منتدى EnTaG
إذا كانت هذه زيارتك الأولى للمنتدى، فيشرفنا أن تقوم بالتسجيل بالضغط على زر التسجيل إذا رغبت بالمشاركة في المنتدى، أما إذا كنت عضو في المنتدى فتكرم بالضغط على زر الدخول وتفضل بزيارة القسم الذي ترغب أدناه.
EnTaG

مهندس انتاج وافتخر.......المهندس الجوكر


    ثورة الغضب

    شاطر
    avatar
    the dream
    المـــــــــــدير
    المـــــــــــدير

    ذكر عدد المساهمات : 230
    تاريخ التسجيل : 12/01/2011
    نقاط : 52626
    العمر : 27
    الموقع : entag.mam9.com

    ثورة الغضب

    مُساهمة من طرف the dream في الأحد فبراير 13, 2011 3:33 am

    شعر ابوالمجد حسين
    الشمس طلعت ع الهرم تاني
    قلب الوطن أخضر
    لون السما دامي
    رجع الوطن للوطن
    والإيد بتحضن إيد
    بنودِّع الشهدا
    وكأنِّ دا يوم عيد
    *********
    كان يعني لازم نموت
    علشان يفيض النيل
    والأرض تغسل عفنها
    دي مصر دي وللاَّ
    عروسة شايلة كفنها
    دي مصر دي وللاَّ
    مهرة وقطعت رسنها
    دي مصر دي وللاَّ
    جنهم وفتحت بيبانها
    وللاَّ دا يوم القيامة
    ومصر نصبت ميزانها
    *********
    ايوة دي ثورة غضب
    ايوة دي ثورة جيل
    رافع شعار الكرامة
    قرآن مع إنجيل
    شوف الغضب في العيون
    ياللي إنت عاوز دليل
    لاحد منهم مُسـيـَّسْ
    ولا حد فيهم عميل
    ريحة العرق في صدورهم
    مخلوط بطمي النيل
    الصبر جفت شطوطه
    والقمري بطــَّل هديل
    ياهل تري ياوطن
    ممكن تشد الحيل
    واشوف جسمك معافي
    وانا ياما شفتك عليل

    ************

    إقرأ كتابك ياوطن
    وقول لي مين اللي خان
    ودق جرس الكنايس
    وعـلـِّي صوت الأذان
    الثورة قامت وآدي
    في كل مطرح ميدان
    والشعب هوَّ اللي باقي
    وعلي اللي خانه الرحيل
    والشعب هوَّ اللي باقي
    وعلي اللي خانه الرحيل
    **********


    _________________
    Mahmoud Basiony
    University Of Alexandria
    Faculty of Engineering
    Production Engineering Department
    1st year

      الوقت/التاريخ الآن هو الأربعاء فبراير 21, 2018 7:26 pm